Mini Beef Burger منی بیف برگر

فوڈ پروسیسر میں گائےکا قیمہ، سویا سوس، انڈا، نمک، لال مرچ، گرم مصالحہ اور بریڈ سلائس ڈال کر اچھی طرح پیس لیں۔
اب اس کی بن کی سائز کی چھوٹی چھوٹی ٹکیہ بناکر فرائینگ پین میں شیلو فرائی کر لیں۔
پھر بن توے پر دونوں طرف سے ٹوسٹ کر لیں اور ٹومیٹو کیچپ ڈال دیں۔
پھر بن کے نچلے حصے پر پہلے مایونیز لگائیں اور اوپر سلاد کے پتے رکھ دیں۔
اب اوپر کباب اور پھر چیز سلائس رکھ دیں۔
اس کے بعد مسٹرڈ پیسٹ لگائیں اور پھر ٹماٹر رکھ دیں۔
آخر میں بن کا اوپر والا حصہ رکھ کر ٹومیٹو کیچپ کے ساتھ سرو کریں۔

Potato Burger with Tamarind Chutney پوٹیٹو برگر املی کی چٹنی کے ساتھ

آلوؤں کو چھیل کر کانٹے کی مدد سے بھرتہ بنالیں۔
اب اس میں چاول کا آٹا، دو عدد لیموں کا رس ، رائی، کالی مرچ، لال مرچ، سفید زیرہ، ہری مرچ، آدھی گٹھی میں سے تھوڑا سا پودینہ، آدھی گٹھی میں سے تھوڑا سا ہرا دھنیا اور نمک اچھی طرح ملا دیں۔
پھر ہاتھ پر ذراسی چکنائی لگاکر بڑے بڑے کباب بنائیں اور توے پر تھوڑا سا تیل گرم کرکے کباب سینک لیں۔
تمام کباب تلنے کے بعد توے پر بن ہلکے ہلکے سینک لیں۔
پھر بن کے ایک ایک حصے پر ایک کھانے کا چمچ گرم دودھ لگا کر کباب رکھیں۔
اس کے بعد املی کی چٹنی، تھوڑی پیاز، ٹماٹر کا ایک سلائس رکھ دیں۔
برگر تیار ہیں۔
پیاز میں باقی ایک عدد لیموں کا رس، باقی پودینہ اور ہرا دھنیا ملا دیں۔
املی کی چٹنی کے لیے: املی کا گاڑھا رس، سونٹھ، سفید زیرہ، نمک اور کالا نمک ملاکر ہلکا سا پکالیں۔

KFC Zinger Burger کے ایف سی زنگر برگر

چکن کو تمام مصالحوں کے ساتھ چوبیس گھنٹوں کے لئے میری نیٹ کرلیں۔
بیٹر کےلئے: بیٹر کے تمام اجزاء کو آپس میں یکجان کرلیں اور ایک گاڑھا بیٹر تیار کرلیں۔
کوٹنگ کےلئے: کوٹنگ کے تمام اجزاء کو آپس میں مکس کر دیں۔
میری نیٹ کئے ہوئے چکن کو بیٹر میں ڈبو کر تیار کی ہوئی کوٹنگ کے ساتھ کوٹ کر دیں۔
پھر اسے گولڈن براؤن ہونے تک فرائی کریں۔
بن کو دو ٹکڑوں میں کاٹ کر اس پر مایونیز پھیلا دیں۔
پھر چکن، سلاد کے پتے اور چیز سلائس رکھ دیں۔
چلی ساس اور کیچپ کے ساتھ گرم گرم سرو کریں۔

Beef Swiss Burger بیف سوئس برگر

پہلے چوپر میں گوشت، ادرک، لہسن اور ہری مرچ ڈال کر باریک پیس لیں۔
اب اس میں نمک، کالی مرچ، انڈا اور بریڈ کرمبز شامل کرکے مکس کریں۔
پھر اس کے کباب بنائیں اور گرل پین پر تیل ڈال کر کباب گرلڈ کرلیں۔
اب یخنی، کارن فلور، کُٹی لال مرچ، لہسن، بھنا زیرہ، نمک، ٹومیٹوکیچپ اور گاڑھا املی کا رس مکس کرکے چولہے پر پکائیں اور گاڑھا ہونے پر اُتار لیں۔
پھر برگر بن پر پہلے مکھن لگائیں اور کباب رکھ کر سوس ڈالیں۔
اس کے بعد اوپر چیز سلائسز رکھ کر دوبارہ مکھن اور کباب رکھیں۔
آخر میں اوپر ٹماٹر، پیاز اور سلاد پتے رکھ کر سرو کریں۔

Popular Posts